Drift.

My mind went drifting again.... this is stolen from my friend's xanga.

112 樣你鍾意一個人o既跡象 [From 903 節目【妹妹妹妹】- 2006-05-06]

1. 見倒佢果陣時會心跳加速
2. 口齒突然間變得好唔伶俐
3. 經常發呆
4. 人地都無話打俾你，你又猛咁o係度等人電話
5. 當佢o係你視線範圍之內，你就會扮睇唔倒佢
6. 當佢離開左你視線範圍之內，你就會勁望佢究竟去左邊
7. 見倒佢開心你自己又會暗地裡開心
8. 出完街之後，好想佢送你返屋企
9. 一班friend食飯果陣時，希望有意無意咁樣坐嚮佢隔離
10. Send SMS俾佢陣時，會好介意自己英文Grammar有冇錯
11. 當佢話唔舒服果陣，你就勁叫佢睇醫生，但係平時自己病又唔會去睇
12. 個個都可以睇你張身分證，除左佢之外
13. 好想佢送o的o野俾你，乜o野都好
14. 成日都留意佢o既言行舉止，估下佢係咪對你有o野呢
15. 如果見倒佢同異性傾計果陣，你會想知佢地講o的乜
16. 成日發夢都夢見佢
17. 如果咁o岩大家著左o的好襯o既衫，就會自己心裡暗叫……妙
18. 不斷打聽佢拍拖o既歷史
19. 會介意佢去完旅行之後返黎無送手信俾你
20. 襯佢背著你o既時候即刻猛咁望著佢個背脊
21. 佢叫你做乜都即刻做，好聽話
22. 偷偷地幫佢執手尾
23. o係手提電話果度噤佢個名或者噤佢o的相出黎睇
24. 同佢o的friend變得好friend
25. 成日去佢經常出沒o既地方留連
26. Send SMS之前同之後都翻睇又翻睇自己寫左o的咩俾佢
27. 主動借o的書借o的碟俾佢，製造再見o既機會
28. 就算佢o係你隔離，你都會成日掛著佢
29. 行街見倒佢鍾意o既o野都會有奇妙o既感覺
30. o係街果度聞倒佢搽果隻香水味會即刻好緊張
31. 就算你有幾唔得閒都會應承佢出去
32. 用133打俾佢，佢一喂就即刻收線
33. 無情情想嗌佢個名
34. 唔敢走去佢附近
35. 習慣每晚都要睇佢個blog
36. 唔想俾佢知你有男朋友
37. 成日開msn或者icq果o的message history回味一下
38. 會深入研究佢所有喜歡o既o野，就算你一o的興趣都無
39. 好想講自己o的o野俾佢聽
40. 佢講乜o野你都會信
41. 見倒佢父母會特別拘緊
42. 講o野之前會plan定一大輪
43. 兩個人獨處有dead air o既時候會感覺十分尷尬
44. 會記著晒佢鍾意食咩、唔鍾意食咩
45. 經過佢屋企o既時候會望上去或者o係下面停一停
46. 一起身擘大眼就會即刻諗起佢
47. 製造無理要求，睇o下佢有咩反應
48. 想知佢鍾意邊個類型o既女仔
49. 佢做任何衰o野都會幫佢諗籍口
50. 用佢幅相黎做電腦wallpaper
51. 不論內容係乜o野，總之save晒o的SMS Message
52. 做垃圾婆，總之有關佢o既o野就乜o野都要keep
53. 會o係紙上面不停咁寫佢個名
54. 成日自己估人地對你有冇o野
55. 每次就算有正經o野搵佢，都會緊張一番
56. 想佢欠你o的o野，例如幫佢買o野又未收佢錢就有鬼得佢
57. 覺得佢梳咩髮型同著咩衫都ok
58. 唔想聽倒佢同佢女朋友講電話
59. 佢一出聲就豎起耳仔，但係就扮晒唔係聽緊佢講o野
60. 好想度下佢高你幾多
61. 同friend講起佢o既時候會用花名或者暗號
62. 唔敢送太貴重或者太大件o既禮物俾佢
63. 因為諗起佢，行行o下街都會無啦啦笑左出黎
64. 搵機會同佢合照
65. 會刻意同佢鬥咀
66. 會留o的問題性o既SMS俾佢，等佢一定要覆返你
67. 如果佢讚你靚，就會keep著果個look
68. 買o的有佢個名o既o野
69. 同佢msn果陣，如果佢覆得唔快就會好失望，而且仲要望著下面果欄寫著"邊個is typing a message now"
70. Send俾佢o既聖誕同新年SMS會同其他人唔同
71. 覺得佢好叻
72. 人地講佢壞話o既時候，絕對唔會加入
73. 同朋友講起佢o既時候會覺得好爽
74. 搵機會度下佢隻手大過你隻手幾多
75. Check下自己o既星座同佢夾唔夾
76. 討厭佢所有討厭o既人
77. 唔介意望倒佢o既腳趾
78. 佢生日o既時候，唔會買o的人人都知佢鍾意o既o野俾佢
79. 唔捨得熄電腦，怕佢隨時online
80. 想見佢，但係見倒佢又會覺得辛苦
81. 同佢對話o既時候，會壓制著自己o既面部表情，反而搞到自己唔知想點咁
82. 許親願或者玩親咩占卜，都係同佢有關
83. 唔會介紹o的靚女friend俾佢識
84. 借o的咦同佢share o的o野飲
85. 同佢搭巴士果陣時扮訓著
86. 搣花瓣
87. 乜都幫佢頂
88. 去唱K o既時候扮晒無男仔陪你唱合唱歌，然之後迫佢同你唱
89. 送o野俾佢唔留名
90. 突然間對所有o的異性都失去興趣
91. 人人講起o的情情搭搭o野果時都覺得講緊自己
92. 覺得如果同佢拍倒拖，就一定會好幸福
93. 覺得大家都ok襯，就算個個都話唔襯
94. 連續打兩個"乞痴"就覺得佢一定係掛著我
95. 少少o野就話自己好唔舒服睇o下佢有咩反應
96. 同佢去完街，返到屋企會勁重溫大家相處果o的片段、說話、食過o的咩……
97. 好Enjoy俾人誤會你地兩個有o野
98. 迫佢同你有單獨相處o既機會
99. o係同一個場合，佢唔走，你唔走
100. 著得靚果日，好鬼想o係條街果度撞倒佢
101. 見倒佢online，等佢同你say hi先，如果佢唔理你，你就會勁灰
102. 唔小心同佢有肌膚之親，都會即刻有觸電o既感覺
103. 每次同佢單獨坐車o既時候，感覺都好似去旅行
104. 就算唔係去果度都話係，等佢順便可以車埋你
105. 佢借o的小o野俾你都會keep著唔還
106. 對佢特別小器
107. o係friendster果度睇晒佢有o的咩friend
108. 特登俾佢知道你有人追
109. 經常對自己o既言行舉止好後悔
110. 希望佢同佢女朋友嗌交
111. 人地問你係咪鍾意佢，你就會答：「痴線」
112. 如果你一路聽我地呢段o野一路諗起某人o既話——你鍾意左佢
Perhaps, these are all true in the past.