職系架構問題?

政府再一次就紀律部隊「職系架構問題」開大會,各個部門紛紛發言…

海關 : 我哋「輯毒」同「輯私」工作,跟警察一樣,所以薪金應該都要跟警察一樣。
入境處 : 我哋打擊「非法入境者」同「過期居留人士」,跟警察一樣,所以薪金應該都要跟警察一樣。
消防處 : 我哋經常都要「救人」,跟警察一樣,所以薪金應該都要跟警察一樣。
懲教署 : 我哋每曰都要「面對罪犯」,跟警察一樣,所以薪金應該都要跟警察一樣。

當警察部代表想發言時,旁聽人群裡面一啲非紀律部隊人員突然「搶咪」…
食環署 : 我哋日日都要處理「阻街」,跟警察一樣,所以薪金應該都要跟警察一樣。
社會福利署 : 我哋不時都要處理「家暴問題」,跟警察一樣,所以薪金應該都要跟警察一樣。
環保署 : 我哋成日都要處理「噪音問題」,跟警察一樣,所以薪金應該都要跟警察一樣。
運輸處 : 我哋每日都要「管制交通」,跟警察一樣,所以薪金應該都要跟警察一樣。
勞工處 : 我哋時時都要處理「勞資糾紛」,跟警察一樣,所以薪金應該都要跟警察一樣。
差餉物業估價署 : 我哋都要處理「租務糾紛」,跟警察一樣,所以薪金應該都要跟警察一樣。
民航處 : 我哋要處理「空難」,跟警察一樣,所以薪金應該都要跟警察一樣。
海事處 : 我哋要處理「海難」,跟警察一樣,所以薪金應該都要跟警察一樣。

好不容易,個「咪」避過建築署、水務署、康文署、機電工程署而傳返警察部代表時,在旁正在幫與會各人斟水嘅「打雜」阿姐,突然一手搶過支「咪」,望住警察部代表講:「睇嚟你嘅工作跟我一樣,所以薪金應該都要跟我一樣。」

紀律部隊就「職系架構」問題開大會,開會途中…

警察部 : 我有嘢做,要走先啦。
海關 : 我知,你一定係去「輯毒」。
警察部 : 星期一做過,今日唔知洗唔洗做。
海關 : 我知,你一定係去「輯私」。
警察部 : 星期二做過,今日唔知洗唔洗做。
入境處 : 我知,你一定係去拉「非法入境者」。
警察部 : 星期三做過,今日唔知洗唔洗做。
入境處 : 我知,你一定係去拉「過期居留人士」。
警察部 :星期四做過,今日唔知洗唔洗做。
消防處 : 我知,你一定係去「救人」。
警察部 : 星期五做過,今日唔知洗唔洗做。
懲教署 : 我知,你一定係去「看守犯人」。
警察部 : 星期六做過,今日唔知洗唔洗做。
海關 : 嘅然你無咩特別事要做,不如坐低「打下牙鉸」先。
警察部 : 我都想,不過我哋就算無特別嘢做,都要負責喺條街度巡邏。
入境處 : 咩叫「巡邏」呀?辛唔辛苦得過我哋「吸印」呀?有無冷氣嘆嘅先?
消防處 : 我就覺得打排球辛苦啲。
教署 : 望住啲犯仲辛苦呀。

就喺各人「你一言我一語」時,警察部代表已經聽咗三個電話…

警察部 : 我有嘢做,趕住走啦。
海關 : 有無咩幫手呀? 嘅然要求一樣人工,你做咩,我做咩。
入境處、消防處、懲教署 : 講得啱!
警察部 : 咁就好啦,剛才我接咗三個Call,「兇殺」、「持鎗行劫」、「黑社會劈友」。
海關、入境處、消防處、懲教署 : ………………

此時,警察部代表電話又響…
消防處 : 我哋繼續開會。
入境處 : 講到邊度?
海關 : 跟警察薪金一樣。
懲教署 : 阿姐,麻煩你斟一斟水。四杯夠啦,收咁隻杯。
打雜阿姐 : ………………………………

警察部代表離開後,海關、入境處、消防處 、懲教處繼續就紀律部隊「職系架構」問題開大會,在中途 toilet break 期間,四名代表分佔四個尿兜…

海關 : 你哋知唔知我幾勁呀,『星期一』我去西環「輯毒」,個毒犯有機關槍同手榴彈架。
入境處 : 我都唔差,『星期三』我喺重慶大廈發現到十幾個「非法入境者」,重個個拎刀打算反抗拘捕。
消防處 : 我夠醒啦, 『星期五』尖沙咀場大火,係我發現有可疑架。
懲教署 : 唓,你哋見過頭號通輯犯「歡哥」未?我『星期六』先至比佢打咗拳,佢仲話要同我隻揪呀。

突然,「打雜」阿姐喺厠格行出,望住仲痾緊尿嗰四個人…
「打雜」阿姐 : 咁你地最後點樣處理呀?
海關、入境處、消防處、懲教署 : 揾警察做囉!
「打雜」阿姐 : ………………………………
海關 : 係喎,依度好似係男厠嚟喎,你仲咩係度?
「打雜」阿姐 : 仲咩係度?你哋疴完啲「屎屎尿尿」唔係有我幫你哋執手尾做清潔,你哋邊有疴得咁舒服。仲走埋一齊「咇哩叭啦」,「人加你加」。
海關、入境處、消防處、懲教署 : ………

海關 : 我哋一陣去邊度食飯?懲教署 : 鵝頸橋鷄記吖,嗰到啲菠蘿鷄出名呀。
消防處 : 嗰厠所咁煙嘅?係唔係火燭?
「打雜」阿姐 : 依啲唔係煙,係霧,仲要係大嗰隻。你哋一入厠所就出現啦。縮腳!
入境處 : 整污漕我對鞋啦,平時我著住佢淨係踩地毯咋。
之後,四個人繼續開會,議提係「薪金要跟警察一樣」。

I dont like the tone of this writing, but still, some facts of life are reflected there.